నా గురించి నేను . . .

ఈ మధ్య నేను ఎక్కువ ఆలోచిస్తున్నాను అనుకుంటున్నాను … ఎవరి గురించి ?? నా గురించే ! ఎందుకంటే చాలా మంది, ఆఫీసు లోను, ఫ్రెండ్స్ కూడా నువ్వు కొంచం తేడా గాడివి అంటున్నారు … నాకు తెలుసు నేను చాలా విషయాలలో అందరిలా ఆలోచించను … కొంచెం డిఫరెంట్ లే … ఉదాహరణలు అవీ ఇవీ ఇవ్వలేను … కాని, నాకు తెలుస్తూంది …

ఒక ఇయర్ బ్యాక్ ఒక అమ్మాయి కూడా ఇదే మాట అంది … వందమంది ఒక డైరక్షన్ లో చూపెడితే, నేను ఒక్కడినే మరోవైపు చుపెడుతాను అట … అందుకు గొప్పగా ఫీల్ అవ్వాలి గాని, బాధ పడటం దేనికి ? అదేదో సినిమా లో హీరో పాట పాడతాడు లోకం అంతా ఒకవైపు … నేను ఒక్కడినే ఒకవైపు అని … పాటలు ఎంజాయ్ చేస్తారు గాని …. నిజంగా కనిపిస్తే ఒప్పుకోలేరు అనుకుంటా … ప్రతి దానికి, నాకు తెలుసు … నాకు సలహాలు ఇవ్వద్దు అని చెబుతున్నాను … అది కరక్టే కదా … ఎవరో ఏదో చెప్తే అది చెయ్యాలా ?? ఆఫీసు లోను అంతే, ఎవరి ఏది చెప్పినా నాకు నచ్చితేనే చేస్తున్నాను… వాడు చెప్పింది కరెక్ట్ అయినా, నాకు నచ్చకపోతే చేయడం లేదు.

ఇంకా, నా గురించి నేను తెలుసుకోవాల్సింది ఉంది అనుకుంటా … ఒక ఇయర్ క్రితం అది చెయ్యాలి, ఇది చెయ్యాలి అన్న ఇది ఉండేది … అదేంటో, ఇప్పుడటువంటిది ఏమి లేదు … లేస్తున్నామా, ఆఫీసు కు వెళ్తున్నమా, తింటున్నామా … అంతే… ఇది నాకు నచ్చడం లేదు … ఎక్కడో, ఏదో అసంతృప్తి …

నా ఇంకొక భయం ఏమిటి అంటే … నేను అంత త్వరగా ఎవరినీ ఇష్టపడను … పవన్ గాడికి, సాయి కిషోర్ కు పెళ్లి సంబందాలు చూస్తున్నారు …. అమ్మాయిలు చాలా తక్కువ మంది ఉన్నారంట, అంత తొందరగా దొరకట్లేదు అంట. మనకు ఇంకో రెండు ఇయర్ వరకు పెళ్లి ఆలోచన లేదు … మరి అప్పటికి, మనకు నెత్తి మీద జుట్టు ఉంటుందా ? డౌటే !!! జుట్టు లేనివాడిని ఎవరు ఇష్టపడతారు ? ఎవరు ఇష్టపడ్డా, నన్ను ఇష్టడినవారిని నేను ఇష్టపడతానా ? మనతో పాటు, చివరివరకు ఉండాల్సిన వాళ్లు … మనం ప్రేమించే, అభిమానించే, ఆరాధించే లక్షణాలు వారిలో ఉంటాయా ? బేసిగ్గా, నాకు పెద్ద కోరికలు ఏమి లేవు … కొంచెం పొడుగ్గా (లేకపోతె, ముద్దు పెట్టుకోవడం కష్టం), కొంచెం తెల్లగా, కొంచెం అందంగా, అన్నిటిని మించి మంచి గా ఉంటే చాలు (నా ఉద్దేశం, అందరు అమ్మాయిలు చెడ్డవారు అని కాదు). ఇక్కడ మంచి అంటే ఏమిటి ? ఎవరు మంచి, ఎవరు చెడ్డ అని ఎలా డిసైడ్ చేస్తాం ? ఇది చాలా కష్టమయిన ప్రశ్న. జడ కొంచెం పొడుగ్గా, దట్టంగా ఉంటే ఇంకా హ్యాపీ !! (ఎక్కడో చదివాను, పెద్ద జడలను ఇష్టపడడం ఒక జబ్బు అని, అయినా సరే), కాళ్ళకు పట్టీలు ఇస్తపదేవారంటే ఇంకా సూపర్ … జాబ్ చెయ్యకపోతే హ్యాపీ, చేసినా ఓకే (కాని, సాఫ్టువేర్ జాబ్ మాత్రం వద్దు) … మొక్కలను ఇష్టపడాలి … ఇంకా, మనం తప్పు చేస్తున్నాం అనిపిస్తే ఇది తప్పు అని చెప్పాలి … మరీ అంత ఫాస్ట్ కాకుండా … మరీ అంత స్లో కాకుండా … ఇంకా ఎలా అంటే, ఇప్పటివరకు నేను కథలు, స్వాతి లో సేరియల్లు చాలానే చదివాను … అవి చదువుతున్నంత సేపు అందులో హీరోయిన్స్ భలే నచ్చేవారు … ఎలా అంటే, యోధుడు లో మధురిమ లా, మహార్ణవం లో ఉమ లా, సెకండ్ మాన్ లో స్నేహ లత లా, అదేదో లో మాధవి లా. మనకు ఇటువంటివాళ్ళు దొరుకుతారా ? ఇక్కడ మెయిన్ పాయింట్ ఏమిటి అంటే వాళ్లు అందరు హీరోయిన్స్, కాని, ఇక్కడ మనం హీరో కాదే !!!

ఇప్పటివరకు అటువంటి వాళ్లు తగల్లేదా అంటే , నిజం చెప్పాలి అంటే, ఒకే ఒక్క అమ్మాయి అని చెప్పొచు … నాకు ఇప్పటికి అనిపిస్తుంది అరే, అ అమ్మాయి అయితే యెంత బాగుండును అని … కాని, మనం కోరుకున్న్వాన్ని దక్కితే, అది లైఫ్ ఎలా అవుతుంది ? ప్చ్, ఏం చేస్తాం ??? దేవుడు, ఇంకేవరినయినా పుట్టించాడేమో చూడాలి…

ఇక బావ చెప్పిన సంగతికి వద్దాం … మనకి అదేదో పాదం లో చందమామ ఉందట … దాని అర్థం, మనకు చందమామ అంత అందమయిన, మంచి అమ్మాయి వస్తుందట ! జాతకాలు ఎంతవరకు నిజమో, ఎంతవరకు నమ్మాలో , ఏమో ???
సో, మన పెళ్లి సంగతి , అమ్మాయి సంగతి బావ చేతిలోనూ, హేమ చేతిలోనూ పెట్టేద్దాం !!!

కథ ఎక్కడివరకు, ఎలా వెళ్తుందో చూద్దాం …